افلام عربي - افلام اجنبي - العاب - اغاني -نكت- اخبار الكمبيوتر والانترنت
أهلا و سهلا بك يا زائرنا الكريم

هذه الرسالة تفيد بانك غير مسجل لدينا


,أذا كنت تملك عضوية سابقة فأرجوا منك الدخول بعضويتك عن طريق الضغط على زر الدخول

أذا كنت زائر جديد فأرجوا منك التسجيل بعضوية
جديدة عن طريق الضغط على زر التسجيل لكي تتمكن من المشاركة مشاهدة مواضيع
المنتدى اماى واى احلى منتدى


افلام عربي - افلام اجنبي - العاب - اغاني -نكت- اخبار الكمبيوتر والانترنت

بسم الله الرحمن الرحيم وبه نستعين
 
افلام - العابالرئيسيةس .و .جالتسجيلدخول
 


 
 





شاطر | 
 

 إزاي تحضري لعزومة رمضان؟!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
sh3n0na
نائب المدير
avatar

عدد المساهمات : 621
تاريخ التسجيل : 26/07/2009
العمر : 28

مُساهمةموضوع: إزاي تحضري لعزومة رمضان؟!   الثلاثاء سبتمبر 01, 2009 7:01 am




عندك عزومة!!
وحاسة إنك متلخبطة!!
ومش عارفة تعملي إيه؟!
نفسك في أي حد يساعدك
ويقول لك تعملي إيه؟!


ولا يهمك من أي حاجة طول ما إحنا موجودين

لأننا قررنا النهارده إننا نكون معاكي

ونقول لك تعملي إيه؟!

يلا نحضّر للعزومة مع بعض


-1-

حددي عدد المعزومين
أول خطوة المفروض إنك تعمليها هي إنك تحددي عدد المدعوين أد إيه بالضبط؟!

وعلى الأساس ده هتبدأي تحددي كمية الأكل اللي هتعمليه، وخدي بالك إن لو
كان عدد المعزومين قليل؛ يعني مثلاً 3 أفراد هيبقى عدد الأصناف قليل
ومحدود...؛ لكن لو عدد المعزومين كبير هيبقى فيه تنوع في الأصناف المقدمة،
وده علشان ترضي جميع الأذواق...



-2-
حددي أصناف الأكل
الخطوة اللي بعد كده هي إنك تحددي أصناف الأكل اللي المفروض تكون موجودة على السفرة..

وده جدول بيحتوي علي قائمة بالأنواع اللي المفروض أنها تكون على السفرة في أي عزومة...



أولاً: السلطات



شوفي يا ستي المفروض يكون عندك على السفرة في أي عزومة نوعين من السلطات، وليكن مثلاً طبق سلطة طحينة وطبق سلطة خضراء.


ثانياً: الشوربة


كفاية أوي في عزومة رمضان وجود نوع واحد من الشوربة؛ خاصة لو كان عدد
المعزومين مش كبير؛ لكن لو عدد المعزومين كبير يبقى اعملي نوعين أو
ثلاثة...

ثالثاً: اللحوم


طبق اللحوم ده بيعتبر من الأطباق الرئيسية على السفرة علشان كده لازم يكون
على السفرة في أي عزومة نوعين من أنواع اللحوم، وليكن مثلاً طبق بوفتيك
لحمة وطبق فراخ مشوية.

رابعاً :النشويات



النشويات
زي: الأرز أو المكرونة أو المحشي، لازم تكون موجودة على السفرة، بس يا ريت
تكتفي في عزومة رمضان بوجود نوع واحد من النشويات.. يعني إما مكرونة أو
رز، أو أكتر من صنف من أصناف المحشي.

خامساً: الخضار



يا ريت إنك تعملي نوعين من أنواع الخضار في عزومة رمضان علشان ترضي جميع الأذواق.

سادساً: الحلويات


أكيد لو عندك عزومة هتقضي وقت كبير جداً في عمل الأكل، علشان كده اختاري
الحلويات السهلة في التحضير أو اختاري الأصناف اللي ممكن إنك تعمليها قبل
العزومة بيوم... زي البسبوسة أو أي نوع من الحلويات اللي بتتقدم باردة زي
الآيس كريم أو المهلبية أو الأرز باللبن.
الرجوع الى أعلى الصفحة اذهب الى الأسفل
sh3n0na
نائب المدير
avatar

عدد المساهمات : 621
تاريخ التسجيل : 26/07/2009
العمر : 28

مُساهمةموضوع: رد: إزاي تحضري لعزومة رمضان؟!   الثلاثاء سبتمبر 01, 2009 7:06 am

-3-
جهزي للعزومة قبل يوم العزومة



يا ريت إنك قبل العزومة بيوم تجهزي أدوات المطبخ زي "الصواني والأطباق
والكوبايات والكاسات"، وتتأكدي من نظافتها؛ بحيث إنها تكون جاهزة على
الاستعمال...
كمان ابدأي في تحضير الأكل قبل العزومة بيوم... طبعاً
هتسألي نفسك دلوقتي، وتقولي: إزاي أحضر الأكل قبلها بيوم، كده الأكل يبوظ؛
خصوصاً إن الجو حر أوي اليومين دول؟!
هاقول لك: إن فيه حاجات ممكن إنك تجهزيها قبل العزومة بيوم وتحطيها في التلاجة...

وده جدول بالحاجات اللي ممكن إنك تحضّريها قبل العزومة بيوم..



العصائر




ممكن إنك تعمليها وتحطيها في كوباية كبيرة وتحطيها في التلاجة أو تحطيها
في أكياس وتحطيها في الفريزر وتطلعيها يوم العزومة قبل المغرب بخمس ساعات.


إعداد بعض الوجبات


في
بعض الوجبات ممكن إنك تجهزيها وتحطيها في التلاجة زي المحشي على سبيل
المثال؛ ممكن إنك تجهزيه وتلفيه وتحطيه في التلاجة؛ بحيث يكون جاهزاً على
التسوية يوم العزومة.

تتبيل اللحمة أو الفراخ


لو
هتقدمي في العزومة لحمة أو فراخ مشوية ممكن أنك تتبليهم ببصل قبل العزومة
بيوم وتحطيهم في وعاء بلاستيك وتسيبيهم في التلاجة؛ بحيث يكونوا جاهزين
على الشواء يوم العزومة.

تعصّجي اللحمة



لو هتعملي مكرونة بالبشاميل أو جلاش باللحمة المفرومة يبقى يا ريت إنك تعصّجي اللحمة قبلها بيوم.

إعداد الحلويات



الحلويات
كمان ممكن تعمليها قبل العزومة بيوم وتحطيها في التلاجة، ومن الحلويات
اللي ممكن إنك تعمليها الآيس كريم والبسبوسة والبقلاوة.. وخدي بالك إنك
تغطي صينية البسبوسة أو البقلاوة كويس.
الرجوع الى أعلى الصفحة اذهب الى الأسفل
sh3n0na
نائب المدير
avatar

عدد المساهمات : 621
تاريخ التسجيل : 26/07/2009
العمر : 28

مُساهمةموضوع: رد: إزاي تحضري لعزومة رمضان؟!   الثلاثاء سبتمبر 01, 2009 7:07 am

-4-
إعداد باقي الأصناف يوم العزومة



أعتقد إنك لو عملتي بالكلام اللي قلنا عليه ده هتلاقي نفسك يوم العزومة
عندك وقت كافي إنك تجهزي باقي الأصناف، بس خدي بالك إن يوم العزومة تصحي
بدري وتخرّجي الحاجات اللي إنتِ جهزتيها من التلاجة وتسويها، وفي الوقت
اللي الحاجة فيه بتستوي ممكن إنك تعملي السلطة، وخدي بالك إنك تحطي الأكل
اللي هيستوي بدري في أواني حرارية علشان يفضل محتفظاً بسخونته لغاية ميعاد
الفطار.

وبكده فعلاً هتخلّصي كل حاجة قبل أذان المغرب بوقت كافي
وهتقدري تستقبلي ضيوفك وأنت جاهزة بكل حاجة

وانتظرونا الأسبوع القادم في نصيحة جديدة
عن كيفية إعداد السفرة
ومن هنا للأسبوع اللي جاي اوعوا تنسوا تبعتوا آراءكم وتعليقاتكم الجامدة أوي
وكمان لو عندكم أي استفسار ابعتوا وقولوا لنا عليه
وإحنا هنرد عليه على طول..
سلام
الرجوع الى أعلى الصفحة اذهب الى الأسفل
 
إزاي تحضري لعزومة رمضان؟!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
افلام عربي - افلام اجنبي - العاب - اغاني -نكت- اخبار الكمبيوتر والانترنت :: الاناقة والجمال :: قسم المطبخ-
انتقل الى: